قاسي الفراق

بقلم الجامعية نهال الصلح
اليوم نحنا سوى
بس كل واحد مع حدا
أول يوم بعد فراق طويل
شفتك طليت
غمرني الدمع
قولك حنين او قلب تذكر أوجاع
وقفت قبالي وعيونك دبلاني
واللهفة بتسرد وجع الفراق
وأديه قاسي الفراق
قعدت مقابيلي
وعينيك بعينيي غامرهم الشوق
وسألتني سؤال
معقول نسيتي زمان
شو سهرنا زمان
والقمر خجلان
جاوبتك بلهفي
لا لا بعدك فيي
بتتغلغل فيي
بعدو جرحك هوي الدوا
بضل بالي بحلمي وسجودي
بتبقى انت مثل ما انت
واديه قاسي الفراق
واديه انا بحبك اديه