النبي الذي ذبحه ابناؤه “الصهاينة” بالجنوب اللبناني ميتا؟!

بقلم الصحافي باسل عادل رحال 

صورة المقام قبل التدمير وبعده

.

.

 

فليشهد التاريخ أن إسرائيل قتلت نبيّها حتى بعد مماته. وكأن صفة قتلة الأنبياء لم تكن كافية، باتوا الآن يقتلون الأنبياء مرتين. والمفارقة العجيبة أن النبي الذي فجروا مقامه هو من المفترض أن يكون مقدسًا لديهم، فهو ابن نبي الله يعقوب… ابن إسرائيل

في الاسبوع الفائت استهدفت المقاومة الإسلامية قاعدة عسكرية إسرائيلية،فردت اسرائيل بنسف قرية محيبيب الحدودية بالكامل،وهي القرية التي تضم مقام نبي الله بنيامين.
طبعا بحجة أنها تدمر انفاق المقاومة و ما الى ذلك من ادعاءات صرنا نحفظها عن ظهر قلب…

بطبيعة الحال علقت وزارة الدفاع الأميركية على حادثة تفجير البلدة جنوب لبنان بالقول “لا علم لنا بأسباب تفجير القوات الإسرائيلية قرية بأكملها في جنوب لبنان”.

وفي تصريح صادر عن غرفة عمليات المقاومة الإسلاميةجاء
أن ما أقدم عليه “جيش” العدو من تفخيخ وتفجير منازل محيبيب يأتي في إثر عدم تمكنه من إحكام سيطرته على البلدة وتثبيت قواته خشية استهدافات المقاومة

تقع بلدة محيبيب على هضبة قرب الحدود اللبنانية الفلسطينية في قضاء مرجعيون جنوب لبنان، وترتفع عن سطح البحر 700 متر، وتبعد عن العاصمة بيروت نحو 117 كيلومترا، ويقطنها نحو 1100 نسمة، وقد نزح أهلها منذ بدء التوغل البري الاسرائيلي.

لا حدود لشرّ اسرائيل فهي تعادي البشر والحجر… تقتل التراث والرموز… والله لو بقيت اسرائيل وحدها في العالم لبدءت بقتل و محاربة ذاتها… كيف لا فهذا دينها وديدنها… انها الشر المتجسد في كيان.

منشور على موقع الفيسبوك لفتني لسيدة تنعي قريتها… نعم … بتنا ننعي قرانا في حربنا الضروس ضد هذا العدو…
أي وجع هذا… الذي يعتصر قلوبنا!
! اي ظلم هذا الذي يدفعنا لأن ننعي قرية بكاملها

كتبت فاطمة جابر :
بوست في حب #محيبيب
كنا نتخانق مع يلي بئلنا إسما المزرعة ونقول لأ اسما محيبيب
ضيعة زغتورة ٢٠، ٣٠ بيت. ٤، ٥ زواريب صغار.
لتطلع عليا بينقطع قلبك، من كل الميلات فيها طلعة.
الطريق العام فيها نشا الله يمرّق سيارة.
مشهورة ب ٣ إشيا: المقام( نحنا كنّا نئلو النبي) والحرش( كمان كان اسمو الوعرة) ودكانة فيصل.
مبارح إ سرا ئيل نسفتا، بلحظة بطّل في شي، إتبخر كل شي..
بطّلنا نقول تحت الحاووز وتحت التوتة
معش فينا نقول حد النبي
بطّل في بيدر وبطّل في وعرة
وبطّل في ملعب المدرسة
معش نقول رايحين نلعب عالبركة أو نقعد تحت البركة
معش في مقبرة( يلي كانو فيها ماتو مرتين)
معش رح نمرق بالزاروبة حد بيت إم كامل
معش رح توقف إم موسى الصبح لتوصيني جبلا معي دوا
معش رح يوقف جدي عالطريق وينطرنا لنمرق ( لأنو معش في طريق)
معش رح نروح كل مغرب ع بيت جدي لنشرب شاي وكعك( عشان معش في بيت جدي)
معش رح نروح نسهر عند حسن بو كامل( عشان بيتن كمان راح)
معش رح تشوف إم حسين بالنبي عم تصلي ( عشان معش في نبي)
معش رح يدوّرو أهلي الموتير الكبير ويصرعو كل الضيعة (عشان بيتنا كلو راح)
معش رح يكونو هدى ومنى جيرانا ( عشان بيتن كمان راح)
معش عنا ياسمينة بالحارة ( عشان ياسمينة إم صفوان ماتت
كمان)
معش رح نكزدر العصر ونمرق حد بيت عمي فارس (عشان الطريق والبيت راحو)
معش رح ننزل عالحاكورة نقطّف نعنعة وبقدونس( عشان معش في حاكورة)
معش رح نسهر عالبرندا الصغيرة أني وزنوبة ونقول القمر سهران عنا عالبرندا
معش رح نروح العصر عند سعدى ونقعد ع سطح البير ونقول إف أحلى قعدة ب محيبيب( عشان معش في محيبيب)
معش بس توصل عالكوع تشم ريحة خبز المرقوق عشان حكمية ومنى مش عم يخبزو (عشان كل الكوع والبيت راحو)
معش ومعش ومعش….
معش نقول نازلين ع خلة الشيخ والكسارة والزيتون
ع الخلة والعاصي والبلاط والمدورة وخلة علي منصور

بتحس بدك تعبط كل شي وكل حدا.

صعبة كتير يا ضيعة يا زغيرة..

باسل عادل رحال