شفت يا صيف

شفت يا صيف

بقلم اﻷستاذة حوراء عودة

شفت يا صيف
مستعجل خريفك
بس ما تنسى تقلو
اﻷحباب
عشقوا الصيف
وكتبولو قصايد شعر
وشافوا الزهر
متل الفراش يقفز ،يفر
خاووا البحر،
بجلسة عصر
وقالوا لبكرا، لا تمر
شافوا غياب الشمس،
أخبار وقصص
وسمعوا خفق قلبين
بين صخور
دغدغ خدودا الزبد
وصاروا يتكتكوا
متل حساسين
جنوا على نعومة عطر،
ونسمة هوا
وقطرة ندى
توقع متل حبة الماس
تلامس عمر
وتحلى الثواني، بس،
تمر،
ويخلق أنين زغير
تعوّد على دلع السمر
لا تخاف يا صيفي،رتاح،
قول لخريفك،
بقلبنا ما له مقر …