لبنان يا حرية الإنسان

كلمات الشاعر حسين عاصي

لبنان…

لبنان يا حرية الإنسان
والابجدية وملتقى الأديان

بحجم الطبيعة ارزك الأخضر
الريح بيجي من غصونها سكران

بيمرق على ربوعك على المرمر
بيمرق على اللولو على المرجان

بيمرق على صنين يتغندر
وبيمد ايدو يصافح الشطآن

بيمرق على عنقودك الاشقر
بينزل خوابي فكر للفنان

بيمرق على التلة على البيدر
كلما الحصاد يغازل الوديان

بيتحول ترابك خبز اسمر
منشان ما يبقى طفل جوعان

بيجوز يا لبنان نتغير
ومن بعدنا يتغير العدان

وبيجوز كل الكون يتمرمر
وبكل دولة ينزل البنيان

وبيجوز غيرك أوسع وأكبر
وبيجوز زغرك للدني عنوان

لكن جبينك ما بيتأثر
مهما الظروف تغيرت بالكون

بتضل شامخ يا علم لبنان